Юрый Клеванец. Сярпы жалезнага веку з Сярэдняй i нiжняй Свiслачы.

Iзноў я запрашаю чытача да экскурсii ў глыбiню стагоддзяў. Падставай для гэтага паслужылi жалезныя рэчы, якiя за­хоўваюцца ў фондах раённых музеяў у Блоні Пухавiцкага раёна i ў Асiпо­вiчах. Лiчу, што калi добра разгледзець гэтыя прадметы, то можна зра­бiць пэўныя высновы пра гiстарычныя падзеi тых часоў, калi яшчэ не бы­ло нiякага пiсьменства. I ўвогуле—пра жыццё на тэрыторыi Сярэдняй Бе­ларусi амаль дзве тысячы год таму. Читать далее

Леанід Смілавіцкі. Талька

Леанід Смілавіцкі – доктар гістарычных навук, старэйшы навуковы супрацоўнік Цэнтра дыяспары пры Тэль-Авіўскім універсітэце, шмат гадоў займаецца вывучэннем гісторыі яўрэяў на тэрыторыі Беларусі. Зараз месцам яго даследаванняў стаў наш край. Частка даследаванняў ужо была апублікавана ў выданні “Мост” № 1046 ад 24.06.2020. З некаторымі матэрыяламі з будучай кнігі “По слядах яўрэйскіх могілак Беларусі” вы можаце пазнаёміцца тут.

Юрый Клеванец «Злачынства і пакаранне ў сямнаццатым стагоддзі»

Крымінальнага чытва зараз зашмат, можна сказаць, што чытач ім нават і перакормлены. Але ж я рызыкну звярнуць увагу нашых сучаснікаў на тое, як праводзілася разгледжанне судовай справы ў старажытнасці. Дзеля гэтага прапаную пераляцець на машыне часу ў сямнаццатае стагоддзе, каб стаць сведкамі разбору злачынства ў Мінскім гродскім судзе. А падставаю дзеля гэтага будзе гістарычны дакумент (Справа аб забойстве Карловіча, АВАК, т. 18, справа 198, сакавік 1607 года, усяго 19 старонак). Увесь тэкст падаць у артыкуле немагчыма, ды і не патрэбна, тут даецца скарочаны пераказ. Але ж аўтар імкнуўся прывесці як можна болей цытат, каб у чытача склалася свае ўяўленне наконт мовы, на якой быў напісаны дакумент—сваеасаблівым “вiнегрэце” з польскай і “рускай мовы” ВКЛ, на якой пісалі ў папярэднія стагоддзі. Між іншым, тэкст напісаны кірыліцай. Читать далее

Сустрэча з Ганнай Севярынец у Мар’інай Горцы

27 лістапада адбылася сустрэча сяброў ТБМ г. нашага горада з вядомай сучаснай пісьменніцай Ганнай Севярынец.

Пакуль чакалі ўсіх сяброў, Ганна пацікавілася нашым горадам, некаторымі гістарычнымі момантамі: ці захаваўся будынак пошты ў Мар’інай Горцы,  у якім стане знаходзіцца тая пабудова, дзе быў Дом пісьменнікаў у 1930-ыя гады? Аказваецца, паэт Анатоль Вольны (Ажгірэй) нарадзіўся на станцыі Пухавічы, значыць, у Мар’інай Горцы, а бацька яго быў тут начальнікам пошты. Сям’я Алеся Дудара (Дайлідовіча) таксама жыла ля станцыі Пухавічы, а бацька працаваў у чыгуначнай краме. У выніку сышліся, што абавязкова ў будучым запросім Ганну на экскурсію па нашаму гораду.

Ганна Севярынец у Мар'інай Горцы

Ганна Севярынец у Мар’інай Горцы

На сустрэчы наладзілі відэаканферэнцыю для тых, хто хварэе і не мог далучыцца да сустрэчы. Читать далее