Каляды 2008

На школьнай алеі	На суцінскай вуліцы
На суцінскай вуліцы	Гуляем у Баяроў
Іван Шаблінскі іграў на даху аўтобуснага прыпынку	Танцы ў школе

28 снежня 2008 г., у нядзелю, да нас у Талькаўскую школу прыехалі нашы сябры з Менску - хлопцы і дзяўчаты, якія любяць народныя песні, танцы, абрады. Разам з імі мы на маршрутцы накіраваліся ў Суцін - шляхецкую вёску, што знаходзіцца на адлегласці 11 кіламетраў ад Талькі.

Калядаванне ў Суціне ўжо стала добрай традыцыяй для нашага краязнаўчага гуртка. Бывае, да нас далучаецца моладзь з Мар'інай Горкі ці Менска, як сёлета. Асабліва мы ўзрадаваліся, што адзін з нашых менскіх гасцей - Іван Шаблінскі, дудар, - прыехаў са сваёй дудой. Гэта дужа аздобіла наша свята - пад музыку мы не толькі спявалі, але і танчылі проста на вуліцы ці на чыгуначным вакзале.

Кожны год усё меней становіцца суцінскіх каталікоў - тых, хто чакае і радасна сустракае нас у сваіх хатах - бо гэта амаль усе людзі сталага веку. Вось няма ўжо з намі Казіміра Станіслававіча Скіндэра, Яна Віктаравіча Корзюка, а ў гэтым годзе ня стала Марыі Хадкевіч... Гэта былі прыгожыя людзі, сапраўдныя носьбіты суцінскай шляхецкай традыцыі. Светлая пра іх памяць.

уверх